The Reign of Caligula

[1] Æfter ðām þe Rōmeburg getimbred wæs seofon hunde wintra ond hundnigontig, wearþ Gaius Gallica cāsere fēower gēar. [2] Hē wæs swīþe gefylled mid unþēawum ond mid firenlustum, ond ealle hē wæs swelce Rōmāne þā wyrþe wǣron, for þām þe hīe Cristes bebod hyspton ond hit forsāwon. [3] Ac hē hit on him swīþe wræc, ond hīe him swā lāðe wǣron þæt hē oft wȳscte þæt ealle Rōmāne hæfden ǣnne swēoran, þæt hē hine raþost forceorfan meahte. [4] Ond mid ungemete mǣnde þæt þǣr þā næs swelc sacu swelc þǣr oft ǣr wæs; ond hē self fōr oft on ōþra lond ond wolde gewin findan, ac hē ne meahte būton sibbe.