A Vision of Hell

[1] Swā Sanctus Paulus wæs ġesēonde on norðanweardne þisne middanġeard, þǣr ealle wæteru niðer ġewītað, and hē þǣr ġeseah ofer ðām wætere sumne hārne stān. [2] And wǣron norð of ðām stāne āweaxene swīðe hrīmiġe bearwas, and ðǣr wǣron þīestru ġenipu, and under þām stāne wæs nicra eardung and wearga. [3] And hē ġeseah þæt on ðām clife hangodon on ðām īsiġean bearwum maniġe swearte sāwla be heora handum ġebundne, and þā fȳnd þāra on nicra onlīċnesse heora grīpende wǣron, swā swā grǣdiġ wulf. [4] And þæt wæter wæs sweart under þām clife nēoðan, and betweox þām clife on ðām wætere wǣron swelċe twelf mīla. [5] And ðonne ðā twigu forburston þonne ġewiton þā sāwla niðer þā þe on ðām twigum hangodon, and him onfēngon ðā nicras. [6] Ðis ðonne wǣron ðā sāwla þā ðe hēr on worulde mid unrihte ġefirenode wǣron, and ðæs noldon ġeswīcan ǣr heora līfes ende. [7] Ac uton nū biddan Sanctus Michael ġeornlīċe þæt hē ūre sāwla ġelǣde on ġefēan, þǣr hīe mōton blissian ā būton ende on ēċnesse.