Extract from Maxims I

  Cyning sceal mid ċēape     cwēne ġebicgan,
  bunum ond bēagum;     bū sceolon ǣrest
  ġeofum gōd wesan.     Gūð sceal in eorle,
  wīġ ġeweaxan,     ond wīf ġeþēon
85 lēof mid hyre lēodum,     leohtmōd wesan,
  rūne healdan,     rūmheort bēon
  mēarum ond māþmum;     meodorǣdenne,
  for ġesīðmæġen     symle ǣġhwǣr
  eodor æþelinga     ǣrest ġegrētan,
90 forman fulle     tō frēan hond
  ricene ġerǣcan,     ond him rǣd witan
  boldāgendum     bǣm ætsomne.