Grendel's Mere

                              Hīe dȳgel lond
  wariġeað wulfhleoþu     windiġe næssas
  frēċne fenġelād     ðǣr fyrġenstrēam
1360 under næssa ġenipu     niþer ġewīteð
  flōd under foldan     nis þæt feor heonon
  mīlġemearces     þæt se mere standeð
  ofer þǣm hongiað     hrinde bearwas
  wudu wyrtum fæst     wæter oferhelmað
1365 þǣr mæġ nihta ġehwǣm     nīðwundor sēon
  fȳr on flōde     nō þæs frōd leofað
  gumena bearna     þæt þone grund wite
  ðēah þe hǣðstapa     hundum ġeswenċed
  heorot hornum trum     holtwudu sēċe
1370 feorran ġeflȳmed     ǣr hē feorh seleð
  aldor on ōfre     ǣr hē in wille
  hafelan beorgan     nis þæt hēoru stōw!