Loading . . .
Loading . . .

Change font size:








On Danish Fashion

[1] secge ēac ðē, brōðor Ēadweard, ðū þisses bǣde, þæt ġē dōð unrihtlīċe þæt ġē ðā Engliscan þēawas forlǣtað þe ēowre fæderas hēoldon and hǣðenra manna þēawas lufiað, þe ēow ðæs līfes ne unnon, [2] and mid ðām ġeswuteliað þæt ġē forsēoð ēower cynn and ēowre yldran mid þām unþēawum, þonne ġē him on tēonan tysliað ēow on Denisc, ābleredum hneccan and āblendum ēagum. [3] Ne secge māre embe ðā sceandlican tyslunge, būton þæt ūs secgað bēċ þæt se bēo āmānsumod þe hǣðenra manna þēawas hylt on his līfe and his āgen cynn unwurþað mid þām.